You are currently viewing ميثايلتكنو – Methyltechno فيتامين B12 بديل الحقن لالتهاب الأعصاب

ميثايلتكنو – Methyltechno فيتامين B12 بديل الحقن لالتهاب الأعصاب

أعلنت شركة نرهادو انترناشيونال للأدوية والمكملات الغذائية عن طرح دواء ميثايلتكنو فيلم سريع الذوبان بالفم “Methyltechno ODF”، والذي يعتبر البديل الآمن والفعال لحقن فيتامين B12 الشهيرة التي يستخدمها الكثير من المرضى وخاصة مرضى السكر لعلاج ألم الأعصاب ونقص فيتامين ب 12.

ما هي المادة الفعالة في ميثايلتكنو؟

يحتوي ميثيل تكنو فيلم على مادة “ميثيل كوبالامين” “Methylcobalamin ” بتركيز 1000 ميكرو جرام، وهو الصورة الطبيعية المماثلة حيويًا لفيتامين ب 12.

ما هي دواعي استخدام Methyltechno؟

  • علاج نقص فيتامين بـ 12.
  • علاج مساعد لحالات التهاب الأعصاب.
  • مكمل غذائي لفيتامين ب 12 في الحمل.
  • علاج مساعد لالتهاب الأعصاب الطرفية في مرضى السكر.
  • علاج ألم الأعصاب الناتج عن الانزلاق الغضروفي.

ما هي جرعة وطريقة استخدام ميثايلتكنو فيلم؟

الجرعة الموصى بها هي فيلم واحد يوميًا أي ما يعادل 1000 ميكروجرام يوميًا.

ميثايلتكنو يأتي في صورة فيلم سريع الذوبان في الفم، يذوب سريعاً بمجرد وضعه على اللسان.

طريقة استخدام ميلاكريست فيلم قابل للذوبان

هل يستخدم في الحمل والرضاعة؟

لم يتم التعرف على وجود مشاكل أو أضرار لاستخدام ميثايلتكنو أثناء الحمل والرضاعة، وهو آمن في الجرعة المعتادة، إلا أنه من الأفضل أن يستخدم في الحمل والرضاعة بعد استشارة الطبيب المختص.

اقرأ أيضاً: دواء ميلجا لعلاج التهاب الأعصاب

ما هي التفاعلات الدوائية لدواء ميثيل كوبالامين؟

ينحصر التفاعل الدوائي لدواء ميثيل كوبالامين مع الأدوية والمواد التي تقلل امتصاص فيتامين بـ 12 من المعدة والأمعاء وهي:

  • الكحول.
  • كولشيسين، موجود في فوارات علاج النقرس مثل يوريفين ويوروسولفين وأقراص كولشيسين لعلاج حمى البحر المتوسط.
  • كلورامفينيكول، ونيومايسين وهما مضادان حيويان.
  • ميتفورمين، الذي يستخدم لعلاج السكر موجود في أدوية جلوكوفاج وسيدوفاج.
  • مثبطات انزيم المعدة مثل الأدوية التي تحتوي على مواد أوميبرازول، بانتوبرازول وإيزوميبرازول.

من الهام اذا كنت تستخدم أي من هذه الأدوية أن تفصل بين ميثايلتكنو وبين هذه الأدوية مدة ساعتين على الأقل.

ما هي الأضرار والآثار الجانبية المحتملة؟

فيتامين B12 بالجرعات الموجودة في الأطعمة أو في المكملات الغذائية مثل ميثايلتكنو جيد التحمل.

قد تشمل تأثيرات الجهاز الهضمي من ميثيل كوبالامين:

  • فقدان الشهية.
  • الإسهال.
  • الصداع.
  • الغثيان.
  • القيء.

ما هو سعر ميثايلتكنو فيلم في السوق المصري؟

سعر ميثايلتكنو فيلم سريع الذوبان في الفم العبوة تحتوي على 20 قطعة بسعر 40 جنيه.

تحديث: تم رفع سعر عبوة ميثايلتكنو لتكون 30 قطعة بسعر 75 جنيهاَ، سعر القطعة 2.5 جنيه.

المرجع

دواء ميثيل كوبالامين – Drugs.com

This Post Has 79 Comments

  1. شريف

    هل ينفع بتاخد ف نفس الوقت مع امبول نيوروتون ؟؟؟؟

    1. د/ أمين الخولي

      اهلا بحضرتك
      لو فيه نقص في فيتامين ب 12 استخدمه عادي لو مفيش اكتفي بنيوروتون امبول

  2. Hanan

    السلام عليكم ورحمة الله وبركاته
    انا عندي التهاب في الأعصاب وعضروف بالظهر
    وباخد علاج الغضروف وباخد مليجا
    في تعارض اني اخد ميثايلتكنو مع الميجا و الجينوفيل
    وكمان عند انيميا وباخد فيروجلوبين او حديدوز اي من الاتنين
    في اي تعارض
    وهو بيأخد مع الميجا في وقت واحد عادي

    1. د/ أمين الخولي

      اهلا بحضرتك
      لا داعي لاستخدام ميثايلتكنو حيث تحتوي الميلجا وفيروجلوبين على فيتامين ب 12

  3. ندي احمد

    من فضلك ي دكتور والدتي بتاخد برشام امبيزيم ج وجوينتا اكس وفوارة تيجنت بلس لان غندها خشونة في الفقرات القطنية والعضم ضعيف ينفع تاخد ميثايلتكنو وجرعة اد اي وكمان بتاخد اماريل ٢مجم هل في تعارض

    1. د/ أمين الخولي

      اهلا بحضرتك
      تاخد ميثايلتكنو بجرعة فيلم واحد يوميا

  4. mimikamil

    انا باخد كرنفيتا ادفانس فوار ينفع وفيتامين سي 1000بنفع اخده معاهم ولا في مشكله وشكرا

    1. د/ أمين الخولي

      اهلا بحضرتك
      كارنفيتا يوجد به فيتامين ب 12 تركيز 55 ميكرو ممكن حضرتك تكتفي به كمكمل انما لو فيه نقص ب 12 يبقى خد معاه ميثيل تكنو

  5. abdelshaheed

    انا يادكتور بتعالج من تليف الكبد ودوالى المرئ وقدقمت بعمل ربط الدوالي عندى سيولة الدم باخد كارفيد 6.25 وارسوبلاس وانتوبرال 40 هل ميثايلتكنو يتعارض مع حالتى وباخد جابتين يوميا هل في مشكله يادكتور

    1. د/ أمين الخولي

      اهلا بحضرتك
      لا تعارض بين ميثايلتكنو والادوية التى تتناولها

  6. olfat

    صباح الخير يادكتور ..هل يتعارض ثيوتاسيد المركب لاجتوائه علر ب12 500 ملج مع ميثايلتكنو ولا اخد ثيوتاسيد عادى حتى لا تكون زياده فى الجرعه .. مع علم سيادتك انى اعانى من التهاب فى الاعصاب ..

    1. د/ أمين الخولي

      اهلا بحضرتك
      لا تعارض ممكن تاخد الاتنين عادي

  7. اسلام محمد

    هل متواجد بدوله الامارات؟ او في شحن ليها؟

    1. د/ أمين الخولي

      اهلا بحضرتك
      حضرتك ممكن تسأل بالمادة الفعالة اكيد حتلاقى لشركات مختلفة نفس المادة وهي ميثيل كوبالامين

  8. Hala

    هل امن مع استخدام الاسبرين

    1. د/ أمين الخولي

      اهلا بحضرتك
      لا يوجد تعارض

  9. Asmaa

    ف مشكله لو استخدمت بخاخ التنفس مكونه من كورتيزون بعد كده استخدمت ميثايلتكونه

    1. د/ أمين الخولي

      اهلا بحضرتك
      انصح حضرتك بالمضمضة بالماء جيدا بعد كل استخدام لبخاخة الكورتيزون في كل الاحيان وذلك لمنع تكون فطريات بالفم
      ولا تعارض من استخدام ميثايلتكنو بعد المضمضة ممكن بعد خمس دقائق

    2. دعاء

      السلام عليكم يا دكتور انا عندى الذئبة الحمراء وباخد سلوبريد وهو ناقص خالص تعرف حضرتك بديل وانا عندى كمان تنميل فى نص وشي بقالى ٤ شهور و باخد الدواء ده ب ١٢ ده كويس ولا ايه وعندي تقل فى الحركة بس حاه انه احسن شويه

      1. د/ أمين الخولي

        اهلا بحضرتك
        بديل سوليوبريد اقراص اسمها ديسبريلون د نفس المادة وسريع الذوبان في الفم
        التنميل وتقل الحركة من الفترة دي كلها لابد كشف وفحص إنما الفيتامينات علاج مساعد مش العلاج الأساسي الا في حالات نقص الفيتامينات نفسها

  10. تامر شحاته ابواليزيد

    هل سهل الامتصاص لو في التهاب في المعدة

    1. د/ أمين الخولي

      اهلا بحضرتك
      الدواء يمتص من منطقة الفم بنسبة أكبر بسبب تواجد الكثير من الشعيرات الدموية
      ولا مشكلة مع التهابات المعدة

  11. اسامه عبدالرحمن صالح

    لوسمحت يادكتور انا مريض سكر من ٥سنوات وعمرى ٥٤ سنه وعندي التهاب في الاعصاب الطرفيه وتنميل وثقل القدمين ووخز وباخد دياميكرون ٦٠ وبيوجليتا بلس٨٥٠ ينفع اخد العلاج ده ومفيش تعارض

    1. د/ أمين الخولي

      اهلا بحضرتك
      لا تعارض باذن الله

  12. ahmed eslam

    سلامو عليكم دكتور انا من 3 اشهر كنت عامل عملية استئصال ورم حميد بالكلية اليمين وفوجئت من اسبوعين بابر ونخز في كل جسمي روحت الصيدلية قالي التهاب في الاعصاب اداني ميلجا ادفانس قرص كل 12 ساعة وهو رائع بصراحة بس سؤالي هل ممكن اخد معاة حقنة بي كوم يوم بعد يوم ولا في غلط واية راي حضرتك في اقراص ثيوتكس فورت 600

    1. د/ أمين الخولي

      اهلا بحضرتك
      الميلجا ادفانس كاف بالنسبة للحقن
      والثيوتكس فورت يقوم بنفس العمل تقريبا ويمكن اخذ الاثنين سويا

  13. دينا

    انا عندي سكر وباخد جليبتس بلس 50/1000 فيه اي تعارض ؟

    1. د/ أمين الخولي

      اهلا بحضرتك
      لا يوجد تعارض

  14. mohamed

    السلام عليكم ورحمة الله وبركاته …
    عندى بشكل عام كذا سؤال واكون شاكر لو افادتنى …
    اولا : انا اعانىى من مرض وراثى ضمور بالعضلات او الاعصاب او اعتلال زى ما بيقوله وباخد من وانا صغير حقن تراى بىى واقراص فيتامين أ ه ومينابولين حقن وقعدت عليهم خمس سنين وطبعا لانى اول طفل فلم اتاثر كثير ولكن انا ابلغ من العمر 43 عاما الان وابتديت من 3 سنين احس بضعف عام فى الحركة وبتزيد مع الوقت وروحت لدكتور اعصاب وكتبلى بيتولفيكس سيريبروليسين حقن عضل واقراص بركسيلان وتيبوينا فورت ولكن حاسس انه مبيعملش تاثير ونفس الضعف هو هو اتمنى لو فىى حل اكون شاكر …مع العلم انى باخد كونكور خمسة بس للضغط العالى …
    ثانيا : برضو بدات اشعر بعدم الرغبة الجنسية وعدم الشعور بخروج السائل عند عملية القذف فهل هناك علاج لذلك ؟ وهل الميثايلتكنو يفيد فى مثل هذه الحالة نظظرا لتعويضه البى 12 وشكرا واسف على الاطالة

    1. د/ أمين الخولي

      اهلا بحضرتك
      حالة حضرتك محتاجة متابعة مع الطبيب المختص في مثل هذه الحالات لانها تحتاج فحوصات وتحاليل معينة
      الحالة النفسية مؤثر قوي على الصحة العامة والصحة الجنسية بشكل خاص قد يكون عدم الرغبة بسبب عامل نفسي
      وهناك ادوية تعالج نقص الرغبة الجنسية وترفع المزاج العام في نفس الوقت ويكتبها الطبيب المتخصص
      وايضا قد يكون بسبب عضوى مثل نقص هرمون التيستوستيرون او مشكلة في الاعصاب وايضا يقف على اسبابها والعلاج المناسب الطبيب المتخصص في امراض الذكورة

  15. Rahf Rahf

    لو سمحت عندى الالتهاب فى الأعصاب الطرفية شديد هل ممكن اخد علاج كونتفيين بتركيز 300 دون البدء بتركيز الأقل

    1. د/ أمين الخولي

      أهلا بحضرتك
      كونفنتين 300 مجم هو أقل تركيز مناسب لحالة حضرتك، كمعلومة عامة
      الجرعة بتبدأ بكبسولة 300مجم مرة واحدة في أول يوم ثم مرتين تاني يوم ثم 3 مرات في اليوم الثالث ويتم تعديل الجرعة بناء على الألم
      أقصى جرعة مسموح بها هي 600 مجم ثلاث مرات يوميا
      أنصح حضرتك باتباع تعليمات الطبيب المعالج

  16. Ahmed

    1000مكرو يعنى واحد ملى يعنى ولا حاجة خالص ولا هيعمل اى حاجة

    1. د/ أمين الخولي

      اهلا بحضرتك
      كل مادة من المواد التي تدخل في الادوية او الفيتامينات او المكملات الغذائية تقاس فاعليتها بالجرعة التي تعطى التأثير المطلوب
      فكلما قل تركيز المادة في القرص الواحد كانت هذه المادة اكثر فاعلية
      معنى ان دواء معين يقاس بالميكرو ان هذا الدواء قوي ويعطي التأثير المطلوب بهذا التركيز
      بالرجوع الى حالة فيتامين ب 12 فهو في الأساس يعطى عن طريق الحقن لان امتصاصه ضعيف جدا عن طريق الفم
      لذلك نجد تركيز القرص 1000 ميكرو جرام وهو تركيز عالى لا يصل منه الى الدم اكثر من 2% اي اقل من 20 ميكرو

      طيب الجسم محتاج كام يوميا من فيتامين ب 12 – من 0.4 ميكرو في الرضع حتى 2.8 ميكرو في الحوامل والمرضعات
      فلو فرضنا ان المصدر الوحيد لفيتامين ب 12 هو القرص ده فهو كافي جدا لاحتياجات الجسم اليومية

      شكرا لتواصل حضرتك مع موقع تركيبة

  17. دعاء

    اعاني من ألم فظيع في الركب واسفل الظهر والرقبة وضعف عام ولا استخدم اى ادويه فهل يكفي ميثايلتكنو

    1. د/ أمين الخولي

      اهلا بحضرتك
      ميثايلتكنو هو علاج لنقص فيتامين ب 12 ولكنه يستخدم كعلاج مساعد فقط في حالات التهاب الاعصاب والالم
      انصح حضرتك بزيارة طبيب متخصص للحصول على العلاج المناسب

  18. essam elhlwgy

    لو سمحتم عايز طبيب اتواصل معه.
    شكراً

    1. د/ أمين الخولي

      أهلا بحضرتك
      يمكنك التواصل معي عبر نموذج اتصل بنا اسفل الموقع
      أو عبر البريد الالكتروني الخاص بي dr_amin_elkholy@tarkeba.com

  19. Mahmoud

    انا عندي التهاب في الاعصاب عباره عن تنميل شديد ف الايد والجسم بشكل عام وباخد ادويه منها ميثايلتكنو..
    ممكن اعرف سبب الاعراض دى ايه ؟؟ وهل ينفع ارجع الجيم تاني عادي ولا ممكن ترجع نفس المشكله تاني بعد الشفاء ان شاء الله
    شكرا

    1. د/ أمين الخولي

      اهلا بحضرتك
      التنميل في الجسم والأطراف من الأعراض التي تحتاج العرض على طبيب متخصص للوقوف على سبب المشكلة
      هو من يستطيع تحديد مدى مناسبة ممارستك للرياضة في الجيم لحالتك
      والف سلامة لحضرتك

  20. Mohamed

    جالي دور برد والشم ضعف شويه رجع بس الحاجات الضعيفه مش شامها كويس وخدت زنك وفيتامين د وميلجا هل الفيلم تكنو مناسب ف الحاله دي

    1. د/ أمين الخولي

      أهلا بحضرتك
      حاسة الشم بتاخد وقت شوية وبترجع ان شاء الله
      فيتامين ب 12 ليس له دور في الحالة دي
      ممكن حضرتك تتعرضي على طبيب انف واذن للتأكد من عدم وجود التهابات
      ومن الممكن ان يقوم بوصف بخاخة مناسبة لحالتك

  21. asmaafathy075@gmail.com

    لو سمحت يا دكتور انا بعانى من اختناق فى الاعصاب اليد هل لاصقه ميثايلتكنو مناسب كعلاج لاختناق الاعصاب

    1. د/ أمين الخولي

      اهلا وسهلا بحضرتك
      اختناق الاعصاب يحتاج للراحة والعلاج الطبيعي وقد يحتاج الى حقن كورتيزون موضعي
      فيتامين ب ١٢ ليس ضمن طرق علاج اختناق الاعصاب ولكنه قد يساعد في تخفيف الالم الناتج عن التهابات الاعصاب
      انصح حضرتك بالذهاب لطبيب متخصص

  22. ياسمين ياسر

    لو عندي نقص في فيتامين ب مركب مفروض اخد الجرعه لمده قد ايه و كام يوم في الاسبوع

    1. د/ أمين الخولي

      اهلا بحضرتك
      ميثايلتكنو عبارة عن فيتامين ب 12 فقط يستخدم يوميا لعلاج نقص فيتامين ب 12
      اما اذا كنت تحتاجين مكمل لعلاج نقص فيتامين ب المركب انصح حضرتك باستخدام الاأدوية التي تحتوى عليها مثل نيوروتون ونيوروفيت وميلجا

  23. يحيى سليم

    قرات انه غير مناسب لدعامات القلب فماذا افعل لان عندى ٥ دعامات

    1. د/ أمين الخولي

      اهلا بحضرتك
      فعلا هناك بعض الأبحاث الحديثة التي ربطت بين استخدام فيتامين ب ١٢ وسرعة انسداد الدعامات
      ولكن هناك ابحاث اخرى تكلمت عن دوره في منع تكون الجلطات
      انصح حضرتك باتباع طبيب القلب الخاص بك

  24. Soso

    السلام عليكم ورحمة الله
    من فضلك ينفع بديل لحقن بيتولفكس

    1. د/ أمين الخولي

      أهلا بحضرتك
      بيتولفكس امبول من النوع ممتد المفعول يؤخذ مرة كل اسبوع
      انما ميثايلتكنو ينفع كبديل ولكن يؤخذ مرة واحدة يوميا

  25. Moaied Mohamed

    انا اعرف ان فيتامين B هو عبارة عن عائلة مكونة من B1 B6 B12 فهل هذا الفيلم يحتوى على العائلة كاملة ام فقط B12 وهذه المعلولم ليست مذكورة فى المطوية المرفقة مع علبة الافلام وبالتالى فانا كمريض سكر احتاج الى شراء نوع اخر

    1. د/ أمين الخولي

      اهلا بحضرتك
      ميثايلتكنو هو عبارة عن ميثيل كوبالامين وهو صورة من فيتامين ب 12 يمكن استخدامها عن طريق الفم
      ولا يحتوي على مجموعة اخرى من فيتامين ب المركب
      انصح حضرتك بزيارة هذه المقالة عن أقراص ميلجا

  26. hamzaabdelwahab

    ابني حالة تمثيل غذائي والدكتور كاتبله كبسولات يورفيت كل يوم واحده ممكن اغير وناخد اللاصقه افضل… مع العلم هو سنه تسع سنين

    1. د/ أمين الخولي

      اهلا بحضرتك
      اعتقد قصد حضرتك اورافيت الذي يحتوي على نفس المادة الفعالة
      ينفع يستخدم الميثايلتكنو مفيش فرق في التأثير لكن ممكن يكون افضل في الامتصاص واسرع لانه يمتص من الفم مباشرة

  27. محمد حسين

    طفلة ٧ سنين بتاخد علاج كهربا بتشتكى الم فى رجلها الدكتور كتبلها اللصقة
    هل تتعارض مع علاج الكهربا

    1. د/ أمين الخولي

      اهلا بحضرتك
      لا يوجد تعارض ان شاء الله

  28. مريم كمال

    ممكن اعرف بيتاخد كل يوم ولا اية والمدة علبة ولا

    1. د/ أمين الخولي

      اهلا بحضرتك
      الجرعة يومية
      مدة العلاج في حالة نقص فيتامين ب 12 pernicious anemia المؤكد تكون مدي الحياة وتكون طبقا لتعليمات الطبيب المعالج ويمكن استخدام صور اخرى مثل الحقن التي لا تحتاج للحقن بصورة يومية
      أما في حالات التهاب الاعصاب والآلام يكون حتى تحسن الاعراض

  29. عبد الكريم غمرى

    عندى رعشة خفيفة فى اليد ينفع اخده

    1. د/ أمين الخولي

      اهلا بحضرتك
      ينفع تاخده ولكن انصحك بزيارة طبيب متخصص في الاعصاب لتشخيص سبب الرعشة واعطاء العلاج المناسب

  30. هاله سمير

    تحياتى
    الجرعة لمريض السكر بعد الفطار ولا غير مرتبطة بوقت انا اعرف انه الفيتامينات تفضل صباحا.
    وشكرا

    1. د/ أمين الخولي

      تحياتي لحضرتك
      الدواء غير مرتبط بالاكل لانه يمتص عن طريق الفم
      وفي الصباح افضل ليست معلومة مؤكدة ولكن ينفع بتاخد في أي وقت

  31. هاله سمير

    تحياتى
    الجرعة لمريض السكر بعد الفطار ولا غير مرتبطة بوقت انا اعرف انه الفيتامينات تفضل صباحا.
    وشكرا

  32. Nermeen alamir

    لو سمحتم انا اتعرضت منذ فترة من حزام نارى وحتى الآن اعانى من التهابات العصب ونخز فى الأعصاب وخاصتا فى الرقبة والمخ و باخده بانتظام يوميا بس مش بحس لاى تخفيف للألم.. فى علاج تاتى ممكن اخده لعلاج العصب

    1. د/ أمين الخولي

      تحياتي لحضرتك
      الحزام الناري في بداية العلاج يحتاج لمجموعة من الأدوية منها أدوية لعلاج التهاب الاعصاب ومسكنة للألم
      اذا كانت الحالة قديمة وتم الشفاء على خير ويتبقى فقط بعض اعراض التهاب الاعصاب انصح حضرتك باستشارة طبيبك المعالج لأن ميثايلتكنو بمفرده غير كاف هو علاج مكمل فقط
      قد تحتاج لأدوية لا تصرف الا بوصفة طبية
      ويمكنك استخدام ثيوتاسيد و نيوروتون أو ميلجا

  33. امة الله

    طيب انا باخد دواء جوينت ايس اخده معاه عادي ولا مينفعش

    1. د/ أمين الخولي

      اهلا بحضرتك
      ينفع عادي مفيش تعارض

  34. محمد عصام

    دوكتر انا بتاخد مليحا وحاسس بضعف عام ف الجسم كلمت الدكتور المعالج كتبليةعلي ده فهل هو كويس ولا اي وفي وجع ف مفصل الركبه

    1. د/ أمين الخولي

      أهلا بحضرتك
      هو كويس وله تأثير مساعد في تخفيف التهابات وألم الاعصاب
      ومقو عام لكن لو فيه الم في الركبة لازم يكون معاه علاجات اخرى

      1. Hossam Shabana

        السلام عليكم. عندي ضعف عام والم اسفل الظهر. هل العلاج ده افضل ولا حقن بيكوزيم. ولو الحقن ايه الجرعة لو سمحت (٥٣ سنة)

        1. د/ أمين الخولي

          اهلا بحضرتك
          العلاج ده والفيتامينات بوجه عام علاج مكمل للعلاج الأساسي
          لو حضرتك بتاخد علاج للالم اسفل الظهر مفيش مشكلة انك تاخد معاه ميثايلتكنو يوميا لأنه فيتامين ب 12 فقط
          وتاخد كمان بيكوزيم حقن لانه عبار عن فيتامينات ب1 و ب2 و ب3 و ب5 و ب6 ومش معاهم ب12
          الجرعة أمبول عضل كل 3 أيام.

  35. samira

    هل مناسب مع اقراص الاندرال ١٠
    والمده الكافيه لاخذه للاحساس بالتحسن بعد كام اسبوع

    1. د/ أمين الخولي

      مفيش تعارض
      تاخد لمدة شهر على الاقل

  36. Eman gaper

    اهلآ بحضرتك
    لو هاخده من دون أي أعراض فقط ك مكمل غذائي هل ليه أعراض أو يسبب مشاكل
    السن 29

    1. د/ أمين الخولي

      اهلا بحضرتك
      هو مش مكمل هو بيعالج اعراض نقص ف ب12 او علاج مساعد لالتهاب الاعصاب ووجع الظهر

  37. مالك محمود

    لو هاخد يوميا وانا طبيعي جدا من كل الأمراض الا اني باخدها لالتهابات خفيفه في الأطراف بكده استمر أحدها كام يوم يعني عبوة واحدة كفايه

    1. د/ أمين الخولي

      أهلا بحضرتك
      ينفع حضرتك تاخدها بدون مشاكل ان شاء الله
      انصح حضرتك أيضا بزيارة الطبيب اذا لم تشعر بتحسن في الأعراض حتى تعرف السبب الحقيقي وراء هذه الأعراض.
      شكرا لتواصلك مع تركيبة.كوم

  38. Jwana Gerges

    ينفع اقلل عن شريط يوميا

    1. د/ أمين الخولي

      ينفع لو لا يوجد نقص فيتامين ب 12 يوم بعد يوم

اترك تعليقاً

واحد × 5 =

د/ أمين الخولي

دكتور في الصيدلة الاكلينيكية ومدير صيدلية هبة مبروك شعبان